Orri Þórðarson.
„Ég er óánægður með úrslitin og frammistöðuna líka," sagði Orri Þórðarson, þjálfari FH eftir tap gegn Val í Pepsi-deild kvenna í dag. Lokaniðurstaðan var 4-2 sigur Vals.
„Við vorum mikið að spila boltanum í sama svæði í staðinn fyrir að skipta honum yfir. En mér fannst bara heilt yfir of margir leikmenn sem eiga ekki nægilega góðan dag. Við eigum ekki efni á því."
„Við vorum mikið að spila boltanum í sama svæði í staðinn fyrir að skipta honum yfir. En mér fannst bara heilt yfir of margir leikmenn sem eiga ekki nægilega góðan dag. Við eigum ekki efni á því."
Lestu um leikinn: FH 2 - 4 Valur
FH er búið að skora fullt af mörkum í sumar en er það lið sem fær á sig flest mörk í deildinni. „Sóknarleikurinn er ekki aðalmálið, við erum búin að fá á okkur of mörg mörk."
FH er aðeins með þrjú stig eftir fyrstu sjö leikina og er í botnsæti deildarinnar.
„Þessar íslensku stelpur sem við höfum fengið til okkar hafa staðið sig vel, en sterkir póstar hafa farið. Við þurfum að bíta í skjaldarrendur, þjappa okkur saman og halda áfram."
Viðtalið er í heild sinni hér að ofan.
