Næstu þrír leikir ráða framtíð Amorim - Glasner, Southgate, Silva og Iraola orðaðir við Man Utd - Liverpool horfir til Araujo
Magnús Már: Það er gjörsamlega óásættanlegt
Viktor Jóns: Tók eftir því strax í vetur hvað býr í þessum gæja
Damir: Það er enginn skjálfti
Láki: Þetta réðst ekki hér
Lárus Orri kjarnyrtur „Berjast fyrir þessu og fara í svolítið fuck you mode"
Dóri Árna: Það er alveg rétt að stigasöfnun hefur verið rýr í síðustu deildarleikjum
Breki Baxter: FH leikurinn situr núna í okkur
Gummi Kristjáns léttur: Er að spila alltof aftarlega á vellinum
Túfa hefur ekki áhyggjur - „Alvöru menn taka mótlætið á kassann“
„Ekkert að rífa okkur upp til skýja fyrir að vinna Val hérna“
Valdimar Þór: Þurftum ekkert að elta þá út um allt
Sölvi eftir stórsigur á Meistaravöllum: Líst mjög vel á þetta gras hér í KR
Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins
Davíð Smári: Ósáttur með að við skulum gleyma fyrir hvað við stöndum
Bjarni Guðjón: Það er gaman að vera Þórsari í dag
„Fullyrði að ekki nokkur leikmaður hefur bætt sig jafn mikið eftir þrítugt"
Rúnar: Þá tekur þú ekki besta leikmanninn í liðinu útaf
Hallgrímur Mar: Getum engum öðrum en sjálfum okkur um kennt
Heimir: Þeir voru að svæfa leikinn og komust upp með það
Jón Daði: Þarf að komast í burtu frá fótbolta og hreinsa hugan
   lau 26. október 2024 19:52
Sæbjörn Þór Þórbergsson Steinke
Birkir hrærður og stoltur: Ótrúlega stórt augnablik fyrir mig
Birkir Már Sævarsson - Vindurinn.
Birkir Már Sævarsson - Vindurinn.
Mynd: Fótbolti.net - Hafliði Breiðfjörð
Í leik með Val 2007.
Í leik með Val 2007.
Mynd: Fótbolti.net - Hafliði Breiðfjörð
„Það er fábært að ljúka þessu á góðum 6-1 sigri á Hlíðarenda sem er mitt annað heimili og ná þessu þriðja sæti sem ég myndi segja að sé lágmarkskrafa fyrir klúbb eins og Val," sagði Birkir Már Sævarsson sem var að spila sinn síðasta leik fyrir Val á ferlinum.

Hann bar fyrirliðabandið hjá Val í þessum leik og fékk heiðursskiptingu í lokin.

Lestu um leikinn: Valur 6 -  1 ÍA

„Auðvitað hafði það þýðingu fyrir mig að vera með fyrirliðabandið, ég er ótrúlega stoltur af því að vera Valsar og fá fyrirliðabandið í lokaleiknum er ótrúlega stórt augnablik fyriir mig."

Birkir er goðsögn hjá Val en það voru ekki bara Valsarar sem stóðu upp þegar Birkir fór af velli, allir áhorfendur stóðu upp og klöppuðu fyrir Vindinum.

„Ég á eiginlega engin orð, allur dagurinn var tileinkaður mér. Þó að ég hafi viljað fókusa á leikinn og ná 3. sætinu, þá er ég ótrúlega hrærður og stoltur Valsari í dag."

Þú hefur greinilega snert marga þínu framlagi til landsliðiðsin miðað við að Skagamenn stóðu líka upp.

„Já, greinilega, ég er líka mjög stoltur af öllum þessum árum með landsliðinu, það gekk vel þar og við gáfum þjóðinni margar góðar stundir. Ég er ótrúlega stoltur af ferlinum mínum."

Á meðan viðtalið var í gangi sungu nokkrir stuðningsmenn Vals um að þeir vildu fá hann í KH, venslalið Vals, en það er ekki í kortunum. Birkir er að flytja til Svíþjóðar þar sem fjölskylda hans hefur verið undanfarið eitt ár. „Þetta var síðasti leikurinn minn hér allavega, ég tek mér frí fram yfir áramót og ef einhver í Svíþjóð vill hafa mig í liðinu sínu, í einhverri deild, þá hugsa ég að ég muni nú alveg sprikla, ef það passar með vinnu og fjölskyldu. Núna verður fjölskyldan í fyrsta sæti, 8-16 vinnan í 2. sæti og fótboltinn í 3. sæti ef ég spila. Ég ætla bara gera eitthvað, mér er alveg sama, ætla bara að eiga helgarfrí og sumarfrí. Það er mér efst í huga."

Hápunktarnir hjá Birki eru EM og HM, árin þar sem landsliðinu gekk sem best. „Fyrsti Íslandsmeistaratitilinn (2007) er líka mjög stór, það og þessi ár með landsliðinu sem voru geðveik, það stendur mest upp úr."

Valur tryggði sér með sigrinum 3. sætið í deildinni, síðasta Evrópusætið.

„Úr því sem komið var er þetta bara frábær endir, Valur verður allavega í Evrópu á næsta ári og vonandi í baráttu um titlana líka. Ég kem vonandi í stúkuna einhvern tímann, styð strákana og tuða aðeins í leiðinni," sagði Birkir að lokum.
Athugasemdir