Tomas Soucek, miðjumaður West Ham, segir að liðið hafi haft gott að því að fá smá högg í andlitið í síðasta leik.

Eftir mjög gott gengi að undanförnu þá tapaði West Ham frekar óvænt gegn Wolves á útivelli í síðustu umferð ensku úrvalsdeildarinnar.

Raul Jimenez gerði eina mark leiksins en West Ham mætir Manchester City á útivelli í dag. West Ham er í fjórða sæti fyrir leikinn í dag.

„Þetta var gott högg í andlitið eins og maður segir. Við spiluðum ekki vel, Wolves spilaði betur og átti skiliði að vinna," sagði Tékkinn stóri og stæðilegi.

„Við þurfum að undirbúa okkur vel fyrir alla leiki. Við sýndum góðan anda og komum til baka eftir þetta tap og gerðum vel í Evrópudeildinni."

Leikur West Ham og Manchester City hefst klukkan 14 í dag en Soucek er brattur fyrir leikinn.

„Við erum ekki hræddir. Við spiluðum mjög vel gegn þeim í bikarnum fyrr á tímabilinu. Þeir sköpuðu einungis eitt eða tvö færi. Við vorum öflugir varnarlega og vonandi náum við að gera svipaða hluti á morgun (í dag)."

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit