Ítalía: Nýliðar Monza skelltu Juventus á útivelli

Fyrr í dag steinlá AC Milan gegn Sassuolo á heimavelli en það eru ekki einu óvæntu úrslitin. Nýliðarnir í Monza gerðu sér lítið fyrir og fóru til Tórínó borgar og glæsilegan 0-2 útisigur á Juventus.

Monza byrjaði betur og kom knettinum í netið en markið var dæmt af. Það stoppaði þá hins vegar ekki því Patrick Ciurria kom gestunum yfir með marki á 18. mínútu leiksins.

Liðið var ekki hætt og Dany Mota tvöfaldaði forystu Monza þegar lítið var eftir af fyrri hálfleiknum og staðan því óvænt 0-2 þegar flautað var til leikhlés.

Juventus reyndi allt sem það gat til að skora í síðari hálfleiknum en það gekk ekkert. Gestirnir vörðust frábærlega og þá átti Di Gregorio hörku frammistöðu í markinu hjá Monza.

Dusan Vlahovic sneri aftur í lið Juventus eftir meiðsli en hann kom inn á þegar 25. mínútur voru ekki. Paul Pogba var á bekknum en hann kom ekki inná.

Monza fór yfir Juventus á töflunni með sigri en liðið er í ellefta sætinu. Juventus er í því þrettánda.