Arnar Gunnlaugsson, þjálfari Víkings, var í viðtali eftir leik liðsins gegn Gróttu í kvöld. Víkingur vann leikinn 3-2. Arnar var meðal annars spurður út í leikinn, undirbúningstímabilið og tapið gegn Kórdrengjum, leikmannastyrkingar og markmið fyrir komandi leiktíð.
„Við nýttum færinn gífurlega illa, hefðum átt að vera komnir í 10-1 held ég í fyrri hálfleik miðað við dauðafærin sem við fengum," sagði Arnar.
„Dómarinn hleypti þessu upp í tóma vitleysu hér í seinni hálfleik. Ég hef séð marga leikina og þetta var ein mesta þvæla sem ég hef séð."
„Það var vitað mál að það yrðu mörg færi í þessum leik. Bæði lið sem að spila og pressa hátt. Það gengur ekkert að spila svona gegn toppliðum landsins en þetta var fín æfing fyrir strákana"
„Æfingaleikir eru æfingleikir, það er nú bara eins og það er. Heilt yfir í mótunum hefur gengið vel fyrir utan kannski leikinn gegn Blikunum. Það má ekki gleyma því að þú ert að spila fullt af ungum leikmönnum sem sumir eru að stíga sín fyrstu spor."
„Við þurfum tvo til þrjá leikmenn til að hjálpa hópnum sem fyrir er. Þú reynir að vinna hvern einasta leik og trúa á þitt 'konsept'"
Viðtalið í heild sinni má sjá hér að ofan.
Athugasemdir