Arsenal og Chelsea mætast í úrslitaleik enska bikarsins í dag og hafa tilkynnt byrjunarlið sín fyrir viðureignina.
Mikel Arteta teflir fram hefðbundnu liði þar sem Ainsley Maitland-Niles byrjar á kantinum í stað Bukayo Saka sem er á bekknum.
Granit Xhaka og Dani Ceballos eru saman á miðjunni á meðan Nicolas Pepe, Pierre-Emerick Aubameyang og Alexandre Lacazette mynda öfluga sóknarlínu.
David Luiz byrjar við hlið Rob Holding í hjarta varnarinnar og halda þeir Sokratis Papastathopoulos á bekknum.
Í liði Chelsea er Willy Caballero áfram á milli stanganna. Frank Lampard teflir fram þriggja manna varnarlínu með Reece James og Marcos Alonso sem vængbakverði.
N'Golo Kante er tæpur og byrjar á bekknum en Willian er ekki í hóp vegna meiðsla. Búist var við að Willian yrði í hóp og að Kante myndi byrja en ljóst að Lampard ætlar ekki að taka áhættur með sína menn.
Olivier Giroud byrjar fremstur gegn sínum gömlu félögum. Giroud á ríka sögu að baki á Wembley og hefur verið í miklu stuði með Chelsea eftir Covid pásu.
Leikurinn verður sýndur beint á Stöð 2 Sport 2.
Arsenal: Martinez, Bellerin, David Luiz, Holding, Tierney, Xhaka, Ceballos, Maitland-Niles, Lacazette, Pepe, Aubameyang
Varamenn: Macey, Sokratis, Kolasinac, Torreira, Smith, Willock, Nelson, Saka, Nketiah
Chelsea: Caballero, James, Azpilicueta, Zouma, Rüdiger, Alonso, Jorginho, Kovacic, Mount, Pulisic, Giroud
Varamenn: Kepa, Christensen, Tomori, Emerson, Kante, Barkley, Hudson-Odoi, Pedro, Abraham
Athugasemdir