David Nielsen þjálfari Lilleström í Noregi var í beinni útsendingu í danska sjónvarpinu þegar hann fékk að vita að hann hefði verið rekinn.

Hann entist aðeins rúman mánuð í starfi og var rekinn eftir fjóra leiki. Liðið tapaði þremur og gerði eitt jafntefli og er í neðsta sæti norsku úrvalsdeildarinnar.

„Ég var bara að sjá þetta hérna í símanum mínum," sagði Nielsen í beinni útsendingu en hann var sérstakur sérfræðingur í kringum leik Nordsjælland og Bröndby á TV 2.

Camilla Martin, sem stýrði umfjölluninni, hafði fengið upplýsingar um það í beinni útsendingu að Nielsen hefði verið látinn fara og spurði hann út í það.

„Ég fékk hringingu fyrr í dag, við erum í flókinni stöðu. Við fórum út af brautinni og töpuðum 4-0 og 5-0. Svona er þetta, þetta urðu bara fjórir leikir," sagði Nielsen.

Hann er vanur því að staldra stutt við hjá félögum en hann var rekinn frá gríska félaginu Kifisia í desember 2023 eftir aðeins sex vikur í starfi. Fyrr á þessu ári tók hann tímabundið við Lyngby í nokkra mánuði.

Absurde scener.
«David, du har stået med din telefon. Jeg har fået vite at du har blivet fyret”

«Ja, det har jeg også lige set her på telefonen…»

Fikk klemt inn litt humor i en lite lystig situasjon???? pic.twitter.com/vX5j3SuOv0

— Kristoffer Tiller (@KriTiller) September 30, 2024