Fótbolti.net

Ray Anthony: Eigum eftir að styrkja okkur betur

Hjörvar Daði: Markmiðið er að fara upp

Damir: Auðveld ákvörðun að velja Grindavík

Höskuldur: Varnarmennirnir gátu aldrei verið þægilegir út af honum

Ágúst Orri: Hann fer nánast á rassgatið

Óli Skúla: Sýndi að hann er frábær leikmaður

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

lau 04. júlí 2020 20:28

Guðmundur Aðalsteinn Ásgeirsson

Arnar Gunnlaugs: Uppsafnaður pirringur yfir skrautlegum ákvörðunum

Arnar Gunnlaugsson á KR-velli í kvöld.

Mynd: Fótbolti.net - Hafliði Breiðfjörð

„Mér fannst við virkilega flottir," sagði Arnar Gunnlaugsson, þjálfari Víkings, eftir 2-0 tap gegn Íslandsmeisturum KR.

Lestu um leikinn: KR 2 - 0 Víkingur R.

Leikurinn var vægast sagt athyglisverður. Víkingar misstu þrjá menn af velli með rautt spjald, en spiluðu þrátt fyrir vel og gáfu ekkert eftir lengst af.

Um fyrsta rauða spjaldið sem Kári Árnason fékk segir Arnar: „Það má líka færa rök fyrir því að Kristján (Flóki Finnbogason) hafi brotið á Kára í aðdragandanum. Þetta var mjög soft fyrir utan það að hann átti ekki séns á að ná boltanum. Kári er búinn að spila 600 landsleiki og mátti bestu framherjum heims. Þetta var soft."

„Mér fannst við vera líklegri á tímabili. KR er hrikalega flott lið en þetta er mjög óvenjulegt meistaralið því þeim líður ekki sérlega vel á bolta og að stjórna leikjum. Þeir vilja stjórna leikjum án bolta og gera það mjög vel. Við fengum eitt og eitt hálffæri sem gat dottið okkar megin, en því miður. Svo kom farsi númer tvö."

Um rauða spjaldið á Sölva sagði Arnar: „Honum var klárlega hrint, við þurfum ekki að deila um það. Hann bregðir höndinni fyrir og reynir að verja sig. Ég sá það alla vega."

„Þetta var í raun ómögulegt eftir þetta. Svo kemur farsi númer þrjú."

Halldór Smári Sigurðsson fékk þriðja rauða spjaldið. Rúnar Kristinsson, þjálfari KR, var ósáttur með tæklinguna og sagði Halldór hafa farið með tvo fætur á undan sér.

„Það er bara þvæla," sagði Arnar. „Halldór er á mikilli ferð og fer í tæklinguna. Þetta er hörð tækling, en Halldór er ljúfasti maður í heimi og er aldrei að fara að meiða menn viljandi. Þetta var ekki 'intent' á að meiða. Þetta á ekki að vera beint rautt spjald andskotinn hafi það."

„Ég trúi þeim öllum þegar þeir segja að þetta hafi ekki verið rauð spjöld því þeir eiga ekki til að missa hausinn. Ég held að þetta hafi verið uppsafnaður pirringur yfir skrautlegum ákvörðunum. Það var pjúra víti sem við áttum að fá í fyrri hálfleik. Við munum finna einhverja hafsenta fyrir næsta leik. Það er engin spurning."

Viðtalið er í heild sinni hér að ofan.