Það er afar athyglisverður leikur á Pride Park í Derby í kvöld þar sem heimamenn taka á móti Manchester United í 16-liða úrslitum FA-bikarsins.
Man Utd er í Meistaradeildarbaráttu í ensku úrvalsdeildinni og Derby um miðja Championship-deildina.
Stærsti söguþráðurinn í kringum leikinn er auðvitað að Wayne Rooney, fyrrum fyrirliði Manchester United, er að mæta sínu gamla félagi. Hann leikur í dag með Derby og hefur gert það frá því í janúar.
Rooney er goðsögn hjá Manchester United. Hann er bæði markahæstur í sögu Man Utd og enska landsliðsins.
Leikurinn hefst klukkan 19:45 og verður sýndur í beinni á Stöð 2 Sport. Sigurvegarinn úr þessum leik mætir Norwich í 8-liða úrslitum.
fimmtudagur 5. mars
ENGLAND: FA Cup
19:45 Derby County - Man Utd (Stöð 2 Sport)
Athugasemdir