„Ég er ósáttur, það er svona tilfinningin. Það er vont að mæta ekki til leiks á KA vellinum," sagði Ólafur Páll þjálfari Fjölnis eftir 2-0 tap á móti KA á Greifavellinum.
Lestu um leikinn: KA 2 - 0 Fjölnir
KA skoraði tvö mörk í fyrri hálfleik og voru sterkari aðilinn.
„Við mætum ekki til leiks. Við vorum undir í allri baráttu og á eftir í alla bolta. Það var í raun og veru allt sem var að."
Fjölnir náði að skapa meira í seinni hálfleik.
„Þeir féllu ósjálfrátt til baka og við sóttum á þá en fyrri hálfleikur var algjörlega afleitur af okkar hálfu."
Fjölnir á Breiðablik á útivelli í næstu umferð.
„Ég þarf að sjá hvað við gerðum vel í seinni hálfleiknum en fyrst og fremst þurfa leikmenn og allir í hópnum aðeins að skoða sín mál. Ef við mætum svona til leiks á móti Breiðablik þá fer illa.
Fjölnir ætlar að styrkja sig í glugganum.
„Já við erum með eitthvað planað og vonandi að það gangi eftir."
Viðtalið er hægt að sjá í heild sinni í sjónvarpinu að ofan.
