Silva rekinn frá Everton (Staðfest)

Everton er búið að reka Marco Silva sem stjóra félagsins. Sky greindi frá þessu rétt í þessu og hefur þetta eftir heimildarmönnum sínum. Everton hefur nú staðfest fréttirnar.

Everton hefur gengið gífurlega illa á leiktíðinni og situr í fallsæti. Silva tók við Everton sumarið 2018 eftir eitt tímabil í starfi hjá Watford. Þar áður stýrði hann Hull, Olympiakos, Sporting og Estoril.

Everton situr eins og fyrr segir í fallsæti, 18. sæti deildarinnar. Liðið hefur sigrað tvo af síðustu ellefu leikjum sínum og tapað síðustu þremur leikjum, nú síðast í gærkvöldi þegar liðið tapaði sannfærandi gegn grönnum sínum í Liverpool, 5-2 á Anfield.