Fótbolti.net

Rúnar Alex: Verðlaun fyrir alla þessa vinnu sem ég hef lagt á mig

Hákon Arnar: Mest frá vinum sem eru að plata mig í eitthvað rugl

Sjáðu allt það helsta úr dramatískum sigri Manchester United

Arnar Grétars: Ástæðan fyrir því að við erum ekki að fá á okkur mörk

„Mér líður samt eins og við höfum tapað frekar en að Valur hafi unnið"

Hanskarnir ekki lengst upp á hillu - „Kom strax til baka því ég elska Ísland"

Arnar segir Albert ekki hafa viljað vera á bekknum

Ánægður að hafa farið til Eyja - „Kom mér á óvart hvað það er haldið vel utan um þetta"

„Margt sem við þurfum að vinna í"

Óliver Steinar: Addi sannfærði mig um að koma í Val

Ómar Ingi: Verðum að gera betur ef þessi staða kemur upp

Davíð Smári: Lítum á þetta sem góða æfingu við toppaðstæður

Hemmi Hreiðars: Erum á töluvert betri stað en fyrir ári

Hlynur Freyr: Rétta skrefið að koma heim í meistaraflokksbolta

Varð að fara frá Sviss - Ísland besti kosturinn og leist best á KR

TM-Mót Stjörnunnar 2023

„Það verður kannski hlegið af mér fyrir að segja þetta"

Aron Bjarki: Kannski ekki mikil eftirspurn eftir 33 ára hafsentum

Arnar: Sjaldan sem maður tekur eftir liði með jafnsterkt DNA

Ánægður að vera kominn heim - „Auðvitað þarf það að halda áfram"

þri 07. febrúar 2023 16:55

@saebjornth

Sæbjörn Þór Þórbergsson Steinke

Gerðist fljótt eftir leikinn gegn Víkingi - „Meiri séns á að verða betri leikmaður"

Sveinn Gísli Þorkelsson.

Mynd: Fótbolti.net - Hafliði Breiðfjörð

Lék með U19 á síðasta ári.

Mynd: Fótbolti.net - Hulda Margrét

Sveinn Gísli Þorkelsson var á dögunum keyptur til Víkings frá uppeldisfélagi sínu ÍR. Gilli, eins og hann er oft kallaður, er örvfættur varnarmaður sem bæði getur spilað sem miðvörður og bakvörður. Hann er nítján ára (2003) og æfir þessa dagana með U21 landsliðinu.

„Þetta er búið að vera geggjað, náttúrulega svolítil breyting frá ÍR, bara stemning og gaman. Það er gaman að komast í annað umhverfi. Það er meira æfingaálag og meiri gæði, meiri séns á að verða betri leikmaður hjá stærra félagi þar sem gæðin eru meiri," sagði Gilli við Fótbolta.net.

„Þegar ég sá að möguleikinn var í boði og sá að það komu tilboð frá öðrum klúbbum þá hafði ég áhuga á því að taka skrefið. Ég var spenntur fyrir því þegar ég heyrði menn segja að ég gæti tekið það skref."

Er skemmtilegt að vera einn af eftirsóttu bitunum á markaðnum? „Það er alveg gaman. Það komu tilboð frá nokkrum liðum og ég hafði bara gaman af því."

Víkingur sýndi Gilla áhuga stuttu eftir leik liðanna í Reykjavíkurmótinu. „Þeir höfðu samband við stjórnina í ÍR og þetta gerðist fljótt eftir það. Ég var strax spenntur, Víkingur flottur klúbbur."

„Arnar (Gunnlaugsson) seldi mér þetta, þurfti þess kannski ekki mikið, ég var strax mjög spenntur fyrir þessu."

Hjá Víkingi hittir Gilli fyrir fyrrum landsliðsmiðverðina Kára Árnason og Sölva Geir Ottesen sem geta eflaust miðlað einhverju til efnilegs varnarmanns. Kári er yfirmaður fótboltamála og Sölvi er aðstoðarþjálfari.

Veit hann í hvaða hlutverki hann verður á komandi tímabili? „Já og nei. Til framtíðar er ég hugsaður sem hafsent. Núna er ég bæði hafsent og bakvörður. Ég var alltaf hafsent með ÍR en að undanförnu hef ég verið að spila bakvörð. Ég get spilað bæði."

Fékk hann ráðleggingar áður en hann ákvað að fara frá ÍR í Víking?

„Þjálfararnir Árni (Freyr Guðnason) og Jói (Jóhann Birnir Guðmundsson), þeir voru mjög þægilegir í samskiptum varðandi skiptin og svo voru menn í kringum mig sem sögðu mér að þetta væri gott skref. Ég spilaði líka með Alex Bergmann (syni Arnars Gunnlaugssonar) og hann var svolítið að selja mér þetta líka, skiljanlega." Það var einmitt eftir að Árni tók við síðasta sumar sem Gilli byrjaði að spila sem bakvörður. Áður, undir stjórn Arnars Hallssonar, lék hann sem miðvörður.

Hann æfir þessa dagana með U21 landsliðinu. Á síðasta ári lék hann sinn fyrsta unglingalandsleik, lék gegn Rúmeníu í undankeppni EM með U19 landsliðinu.

„Það er veisla að fá kallið. Ég þekki nokkra í hópnum, góður hópur og bara gaman."

Kom þér á óvart að vera valinn? „Já, pínu. Ég var með U19 og fannst ég vera ágætur þar, mér finnst ég alveg eiga skilið að vera þar," sagði Gilli að lokum.

Athugasemdir

Nýjustu fréttirnar