Haukar töpuðu 1-2 á móti Selfossi í stórleik umferðarinnar í 2. deild karla þrátt fyrir að vera manni fleiri mestallan leikinn. Igor Bjarni Kostic þjálfari var skiljanlega mjög svekktur eftir leik.
Lestu um leikinn: Haukar 1 - 2 Selfoss
„Rauða spjaldið að sjálfsögðu breytir leiknum en þetta er jafnt og þetta var alveg pínu skák. Svo eru einstaklingsgæði líka í Selfossliðinu þetta er ekki bara gott lið, það eru líka einstaklingsgæði þarna sem gera það að verkum að þeir klára leikinn en ekki við''
Haukar fengu mikið af færum í leiknum, sérstaklega í fyrri hálfleik eftir að hafa orðið manni fleiri en tókst þó einungis að nýta eitt þeirra. Igor var mjög hugsi yfir því
„Þetta er fjári góð spurning og mér fannst við líka fá kannski tvö bestu færin í leiknum í seinni hálfleik. Þetta eru bara dagarnir stundum''
Haukar eiga annan hörkuleik í næstu umferð þegar þeir mæta Kórdrengjum á heimavelli. Igor segir að sínir menn verði tilbúnir í þann slag. „Það er bara gaman að þessu. Þetta var skemmtilegt í dag þrátt fyrir að við höfum endað með núll stig þá er annar erfiður andstæðingur á Laugardaginn og við erum bara tilbúnir, þýðir ekkert að setjast niður og gráta''
Athugasemdir
