banner
   lau 12. maí 2018 15:55
Guðmundur Aðalsteinn Ásgeirsson
Pepsi-deildin: KR og Grindavík með fjögur stig eftir jafntefli
Aftur lenti KR undir en aftur náði liðið að jafna. Í þetta skiptið komust Vesturbæingar ekki lengra.
Aftur lenti KR undir en aftur náði liðið að jafna. Í þetta skiptið komust Vesturbæingar ekki lengra.
Mynd: Fótbolti.net - Hafliði Breiðfjörð
Grindavík 1 - 1 KR
1-0 René Joensen ('14 )
1-1 Pálmi Rafn Pálmason ('27 )
Smelltu hér til að lesa nánar um leikinn

KR lenti enn og aftur undir þegar liðið heimsótti Grindavík í dag. KR hafði lent 1-0 undir í fyrstu tveimur leikjum sínum í Pepsi-deildinni í sumar fyrir leikinn gegn Grindavík í dag en þegar komið var suður með sjó var ekkert annað uppi á teningunum.

Færeyingurinn Rene Joensen kom Grindavík yfir á 14. mínútu eftir að skot sem Will Daniels hafði átt datt fyrir hann. Rene tók fagn úr tölvuleiknum vinsæla Fortnite er hann skoraði.

KR-ingar voru ekki lengi undir því Pálmi Rafn Pálmason jafnaði á 27. mínútu. Pálmi var frábær á móti Stjörnunni í síðustu umferð, hann byrjar þetta Íslandsmót af krafti.

Staðan var 1-1 í hálfleik. Gestirnir úr Vesturbænum voru hættulegri í seinni hálfleiknum en inn vildi boltinn ekki. Markalaust jafntefli staðreynd. „Ívar Orri flautar til leiksloka. Grindvíkingar án efa sáttari með stigið heldur en KR!" skrifaði Bjarni Þórarinn Hallfreðsson í beinni textalýsingu á Fótbolta.net.

Eftir þennan leik eru bæði lið með fjögur stig, einn sigur eitt jafntefli og eitt tap úr fyrstu þremur leikjunum.

Það eru tveir leikir að hefjast klukkan 16:00.

16:00 Breiðablik - Keflavík
16:00 KA - ÍBV
Athugasemdir
banner
banner
banner
banner