Víkingur komst upp í toppsæti Pepsi Max-deildarinnar með 2-0 sigri á FH í dag. Arnar Gunnlaugsson, þjálfari Víkinga, er skiljanlega ánægður með sína menn.
Lestu um leikinn: Víkingur R. 2 - 0 FH
„Kári Árnason sagði við strákana fyrir leik að hann hefði tilfinningu fyrir því að Valur tapa fyrir Stjörnunni sem myndi þýða að við þyrftum að klára okkar verkefni," sagði Arnar eftir leik.
„Fyrstu tíu mínútur leiksins voru FH-ingar allt í öllu en síðan fengum við meðbyr þegar við unnum fyrsta skallaeinvígið. Það fór að blása sem varð til þess að gæðin í leiknum minnkuðu en við vorum þéttir í dag."
Nikolaj Hansen er orðinn markahæstur í deildinni en hann skoraði bæði mörk Víkinga í dag.
„Nikolaj hefur alltaf verið góður á æfingum en nú hefur hann tekið sig meira á í æfingum og mataræði. Hann hefur fengið gagnrýni fyrir markaleysi en hann hefur svarað því vel á þessu tímabili."
Í viðtalinu sem má sjá hér að ofan er Arnar meðal annars spurður út í sögusagnir um Andra Rúnar Bjarnason.
Athugasemdir