Byrjunarlið KR og FH: Fyrsti leikur Óskars - Kjartan Henry og sonur Pálma á bekknum

Frá liði KR sem átti að byrja gegn HK á fimmtudag er ein breyting. Samkomulag er á milli KR og FH um að Gyrðir Hrafn Guðbrandsson spili ekki leikinn og inn í liðið fyrir hann kemur Eyþór Wöhler. Birgir Steinn Styrmisson snýr þá aftur á bekkinn eftir að hafa fengið heilahristing í síðasta mánuði og Alexander Rafn Pálmason, sonur Pálma Rafns þjálfara, er á bekknum. Hann er fæddur árið 2010.

Tvær breytingar eru á liði FH frá leiknum gegn Víkingi. Ólafur Guðmundsson og Jóhann Ægir Arnarsson taka út leikbann og þeir Dusan Brkovic og Arngrímur Bjartur koma inn í liðið.
Kjartan Henry Finnbogason, aðstoðarþjálfari FH, er í leikmannahópnum í dag. Hann er auðvitað fyrrum leikmaður KR. Bjarni Guðjón Brynjólfsson og Allan Purisevic koma einnig inn á bekkinn.