„Svíar hafa elskað íslenska liðið síðan Lagerback tók við því. Það er frábært að þið séuð á HM og EM með einungis 350 þúsund íbúa. Fyrir utan Svíþjóð þá höldum við með Danmörku og Íslandi," segir Johan Flinck, blaðamaður hjá Aftonbladet, við Fótbolta.net í dag.
Ísland spilar sinn fyrsta leik á HM á laugardag þegar liðið mætir Argentínu.
Ísland spilar sinn fyrsta leik á HM á laugardag þegar liðið mætir Argentínu.
„Ísland er í dauðariðlinum. Svíþjóð var það líka 2002 þegar við mættum Argentínu, Englandi og Nígeríu. Ísland er í svipuðum riðli núna og þeir geta komist áfram eins og Svíþjóð þá."
„Ísland getur eins og Svíþjóð tekið stig gegn bestu liðunum. Þeir þurfa líka að skora og vinna leikina sem það á að vinna."
Lars Lagerback tók við Íslandi árið 2012 og gerði magnaða hluti við stjórnvölinn. Það kom Svíum í opna skjöldu.
„Það kom mikið á óvart. Flestir í Svíþjóð héldu að hann væri búinn en hann kom til baka og náði frábærum úrslitum með Ísland."
Sænsku fjölmiðlamennirnir ætla að mæta íslensku fjölmiðlamönnunum í fótboltaleik í næstu viku eins og heyra má í viðtalinu hér að ofan.
