Fylkismenn voru vel undirbúnir fyrir leikinn gegn Breiðabliki í kvöld og uppskáru eftir því. Öflugur sigur gegn toppliði deildarinnar.

Lestu um leikinn: Fylkir 4 -  3 Breiðablik

„Við ætluðum okkur sigur í dag. Ég sagði við strákana í dag að við þyrftum að fara að vinna þessi svokölluðu topplið ef við ætlum okkur að vera í einhverri baráttu. Það er ekki nóg að gera jafntefli. Menn brugðust svo sannarlega við því," sagði Helgi Sigurðsson, þjálfari Fylkis, eftir leikinn.

„Menn voru tilbúnir og voru klárir að fórna fyrir sér málstaðinn"

Fylkir lék 3-5-2 í leiknum en Helgi taldi að þetta kerfi gæti hentað gegn Blikum.

„Maður veit ekki neitt fyrirfram en ég vildi láta á það reyna. Þegar við erum með tvo menn frammi sem eru góðir á boltann og með hraða, með Valda í kringum sig, þá myndu þeir lenda í vandræðum. Það gekk alveg upp. Það er langt síðan Blikar hafa verið í svona vandræðum með sóknarmenn hins liðsins."

Helgi segir að það hafi verið ansi svekkjandi þegar Breiðablik jafnaði 1-1 þvert gegn gangi leiksins.

„Það var hræðilegt. Líka þegar þeir jöfnuðu 2-2 í byrjun seinni hálfleiks. Við áttum skilið að vinna og ég er ofboðslega ánægður fyrir hönd strákana. Við þurfum að spila svona í hverjum einasta leik."

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit