„Ég held að ég hafi verið í sambandi við 7-8 lið," sagði Ágúst Gylfason við Fótbolta.net eftir að hann skrifaði undir þriggja ára samning við Gróttu í dag.

Ágúst hefur verið eftirsóttur undanfarnar vikur en erlend félög sýndu honum meðal annars áhuga. Samkvæmt heimildum Fótbolti.net ræddi HB við hann um að taka við af Heimi Guðjónssynis sem er að taka við Val eftir tvö ár í Færeyjum.

Ágúst staðfesti að félag í Færeyjum hefði haft samband við sig.„Það var er erlendis líka, í Færeyjum. Þeir höfðu áhuga en ég var ekki tilbúinn að flytja þangað," sagði Ágúst við Fótbolta.net í dag.

Ágúst ákvað á endanum að semja við nýliða Gróttu. „Þeir höfðu samband fyrir nokkrum dögum og ég fór á fund með þeim. Það hreif mig fljótlega að taka við Gróttu. Þeir seldu mér þetta vel og hugmyndafræði félagsins hentar mér vel. Að vinna með ungum og metnaðarfullum leikmönnum sem eru tilbúnir að leggja sig 100% fram. Ég er með Guðmund Steinarsson mér við hlið og er sáttur að vera kominn á Seltjarnarnesið."

Breiðablik nýtti sér í síðasta mánuði uppsagnarákvæði í samningi Ágústar en hann hefur engin svör fengið af hverju félagið ákvað að gera það. „Ég hef ekki fengið svör við því. Þið verðið að spyrja Blikana hvað for úrskeiðis," sagði Ágúst sem hefur endað í 2. sæti með Breiðabliki undanfarin tvö ár.

Hér að ofan má sjá viðtalið í heild sinni.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit