Hollenski vængmaðurinn Noa Lang skoraði sitt fyrsta landsliðsmark í 3-2 sigri liðsins á Wales á þriðjudag en hann fagnaði með afar sérstökum hætti.
Lang er ekki allra og hefur í gegnum tíðina átt erfitt með að fylgja fyrirmælum en hann kom sér einmitt í vandræði fyrir það undir stjórn Erik ten Hag hjá Ajax.
Þessi 22 ára gamli leikmaður fékk að heyra það í miðjum leik með Ajax
„Þú verður að halda kjafti og hlusta. Þú þarft að gera það og hættu þessu bara. Þetta er okkar leikur, ekki bara þinn," sagði Ten Hag við kappann í bikarleik en mánuði síðar lánaði hann Lang til Club Brugge.
Belgíska félagið keypti hann á síðasta ári og hefur hann síðan þá unnið sér sæti í hollenska landsliðinu en þegar hann fagnaði marki sínu á þriðjudag þá hljóp hann að bekknum og sussaði á leikmennina.
Memphis Depay og Steven Bergwijn tóku því reyndar mjög vel og hlógu með honum.
„Þetta er einkabrandari hjá mér og leikmönnunum. Þeir segja alltaf að ég sé til vandræða," sagði Lang í viðtali eftir leikinn gegn Wales.
Noa Lang to the bench after his goal.. 🔥🇳🇱😂 pic.twitter.com/g8D4s6e3fO
— 𝐀𝐅𝐂 𝐀𝐉𝐀𝐗 💎 (@TheEuropeanLad) June 14, 2022
Athugasemdir