Jökull Elísabetarson.
Síðustu dagar og vikur hafa ekki verið góðar fyrir Stjörnuna. Liðið tapaði í undanúrslitum Mjólkurbikarsins og hefur aðeins náð í eitt stig af síðustu níu mögulegum í Bestu deildinni.
„Ég þreytist ekki á að segja það að ég get ekki staðsett Stjörnuna neins staðar. Ég veit ekki enn hvernig fótbolta Stjarnan spilar eða vill spila," sagði Valur Gunnarsson í Innkastinu.
„Ég þreytist ekki á að segja það að ég get ekki staðsett Stjörnuna neins staðar. Ég veit ekki enn hvernig fótbolta Stjarnan spilar eða vill spila," sagði Valur Gunnarsson í Innkastinu.
„Þeir eru rosalegt annað hvort eða."
Þetta hefur verið rosalega mikið upp og niður hjá Stjörnunni í sumar. Liðið er í fimmta sæti með 21 stig eftir 15 leiki og með -1 í markatölu. Stjarnan tapaði gegn ÍBV í annað sinn í sumar núna á dögunum.
„Þá var tekið eintal við Jökul eftir leik og það er spurning hvort það styttist í annað eintal. Þeir eru úr leik í bikar..." sagði Valur og vísaði til þess að stjórnarmaður Stjörnunnar hefði átt eintal við Jökul eftir fyrri leikinn gegn ÍBV í deildinni.
„Það er komin voðaleg deyfð yfir Stjörnunni aftur," sagði Elvar Geir Magnússon.
„Núna hljóta liðin fyrir neðan Víking, Breiðablik og Val að vera að horfa á fjórða sætið. Ef Valur vinnur bikarinn verður fjórða sætið Evrópusæti. Í dag er Fram með betra lið en Stjarnan," sagði Valur.
Athugasemdir
