Aðstaða sem sést ekki annars staðar á Íslandi
'Það er allt til alls til að verða betri leikmaður'
Sindri og Ísak eru orðnir liðsfélagar aftur. Þeir léku saman með Keflavík á sínum tíma.
Ekki mörg lið sem fara norður og vinna.
Ísak Óli Ólafsson gekk í raðir FH fyrir tímabilið. Hann var keyptur frá danska félaginu Esbjerg og skrifaði undir fjögurra ára samning við Fimleikafélagið.
Ísak er 23 ára miðvörður sem á að baki tvo A-landsleiki og hefur nokkrum sinnum verið í landsliðshópnum. Hann ræddi við Fótbolta.net um komuna í FH og fyrstu vikurnar í dag.
Ísak er 23 ára miðvörður sem á að baki tvo A-landsleiki og hefur nokkrum sinnum verið í landsliðshópnum. Hann ræddi við Fótbolta.net um komuna í FH og fyrstu vikurnar í dag.
„Það eru ýmsar ástæður fyrir því að ég er kominn í FH sem ég ætla ekkert endilega að fara mikið út í. Ég er aðallega bara hrikalega spenntur fyrir FH og því sem er að gerast þar. FH var langfyrsti og í raun eini kosturinn hjá mér (á Íslandi)," sagði Ísak við Fótbolta.net.
„Það voru einhver samtöl en ekkert sem ég var jafn spenntur fyrir og FH. Ég lagði mikla áherslu á að koma fyrir mót, þurfti að ýta svolítið á það. FH-ingarnir vildu fá mig fyrir mót. Ef ég hefði komið í glugganum þá hefðu 13 leikir verið búnir. Það er gott fyrir alla aðila að þetta fór í gegn. Esbjerg fékk sitt, FH ýtti þessu í gegn."
„Það er frábært að vera kominn í FH, þetta er risaklúbbur og aðstaðan þarna... ég veit ekki hvort það sé hægt að finna svona (annars staðar) á Íslandi og mögulega ekki í Skandinavíu. Það er allt til alls til að verða betri leikmaður."
„Esbjerg er rosastór klúbbur og þar er mjög góð aðstaða. Ég var áður hjá SönderjyskE og ef ég ber aðstöðu FH sanab við aðstöðunar þar þá er FH með töluvert betri aðstöðu. Innihallirnar, ræktaraðstaðan og þjálfunaraðstaðan er til fyrirmyndar, alveg svakalega flott."
„Það er frábært að mæta til vinnu. FH sem klúbbur heldur mjög vel utan um leikmennina sína. Ég get ekkert, allavega þessar fyrstu vikur, sett út á það."
Ísak segist ekki hafa séð svona sterka íslenska deild í mörg, mörg ár. „Það er hrikalega gaman að vera partur af henni. Auðvitað vitum við að það er einn maður sem ýtir þessu upp á annað plan og það er bara gaman af því að vera partur af þessu," sagði Ísak sem ræðir um byrjunina á tímabilinu í viðtalinu og leikinn gegn HK á morgun.
En að Gylfa Þór Sigurðssyni sem Ísak nefnir án þess að nefna. Þegar hann kemur í deildina, verður það þá þeim mun meira heillandi að spila í deildinni?
„Ég held það. Prófíll eins og hans lyftir öllu upp á annað plan; umfjöllun og fleiri koma á leiki. Það eiga allir að vera ánægðir að hann sé kominn í deildina."
Hvað getur FH farið langt í sumar?
„Við getum alveg farið langt og eigum að stefna hátt. Við erum með hrikalega sterkan leikmannahóp og frábæra þjálfara. Við eigum allavega að stefna á... ég vil ekki segja of mikið en ég vil stefna á Evrópusæti," sagði Ísak.
Í viðtalinu ræðir hann um tíma sinn í Danmörku þar sem hann lék með bæði Esbjerg og Sönderjyske. Hann ræðir einnig um það að vera aftur orðinn liðsfélagi bróður síns, Sindra Kristins. Viðtalið í heild sinni má sjá í spilaranum efst.
Athugasemdir
