Íslenski landsliðsmaðurinn sat allan tímann á varamannabekk Blackburn í kvöld.

Blackburn skapaði sér lítið sem ekkert í leiknum og sérstakt að John Eustace, stjóri Blackburn, hafi ekki ákveðið að nýta sér krafta Arnórs í síðari hálfleiknum.

Liðið er nú án sigurs í síðustu þremur leikjum og situr í 16. sæti deildarinnar með 38 stig.

Ipswich, sem er í baráttu um að komast upp í ensku úrvalsdeildina, vann 4-3 sigur á Rotherham United á sama tíma.

Það var líf og fjör í leiknum og það strax frá fyrstu mínútu. Tom Eaves kom gestunum í Rotherham yfir snemma leiks en Wes Burn skoraði tvö og Kieffer Moore eitt á tæpum hálftíma. Staðan var því 3-1 fyrir Ipswich þegar flautað var til hálfleiks.

Hakeem Odofin minnkaði muninn á 60. mínútu og í uppbótartíma fengu síðan gestirnir vítaspyrnu sem Cafu skoraði úr. Þetta hefði gengið frá mörgum liðum, en hafði lítil sem engin áhrif á Ipswich sem svaraði með sigurmarki frá Omari Hutchinson.

Ipswich er í 3. sæti deildarinnar með 69 stig, jafnmörg og Leeds sem er í öðru sæti. Þrettán umferðir eru eftir af deildinni.

Úrslit og markaskorarar:

Cardiff City 0 - 0 Blackburn

Ipswich Town 4 - 3 Rotherham
0-1 Tom Eaves ('2 )
1-1 Wes Burns ('9 )
2-1 Kieffer Moore ('14 )
3-1 Wes Burns ('29 )
3-2 Hakeem Odofin ('60 )
4-2 Omari Hutchinson ('90 )
4-3 Cafu ('90 , víti)

Plymouth 0 - 3 West Brom
0-1 Cedric Kipre ('61 )
0-2 Mikey Johnston ('76 )
0-3 Tom Fellows ('90 )

Southampton 1 - 2 Hull City
0-1 Anass Zaroury ('11 )
0-2 Fabio Carvalho ('36 )
1-2 Joe Aribo ('88 )