Manchester United og Manchester City mættust í nágrannaslag í deildabikar kvenna á Englandi í dag.
City hafði betur gegn United í deildinni í upphafi tímabils, en í dag var það United sem hafði betur.
Man City hefur farið vel af stað í deildinni og er með fullt hús stiga og því komu úrslitin í dag á óvart. United vann 2-0 og skoruðu Katie Zelem og Jess Sigsworth mörkin. Sigurinn var sanngjarn.
Það er leikið í riðlum í deildabikar kvenna. Þetta var fyrsti leikur United, en annar leikur City, sem hafði unnið 5-0 sigur á Leicester í fyrsta leik sínum. Birmingham og Everton eru einnig í riðlinum.
Rakel Hönnudóttir byrjaði hjá Reading, en var tekinn af velli í 3-2 sigri á Lewes. Reading hefur unnið báða leikina í sínum riðli og er á toppnum ásamt Chelsea.
Chelsea vann 3-0 útisigur á Crystal Palace þar sem María Þórisdóttir var í byrjunarliði Chelsea.
Arsenal, Liverpool og Tottenham unnu einnig sína leiki í dag, en öll úrslit má sjá hér að neðan.
Athugasemdir