50 milljón evra söluákvæði
Barcelona er búið að ganga frá kaupum á albanska sóknarmanninum Rey Manaj, sem kemur frá B-deildarliði Albacete.
Manaj verður 23 ára eftir mánuð og borgar Barcelona tæplega eina milljón evra fyrir hann. Félagið ákvað þó að hafa söluákvæðið í samningi hans 50 milljónir evra, samningurinn gildir í þrjú og hálft ár.
Manaj, sem á fjóra leiki að baki fyrir Inter í Serie A, var ekki með byrjunarliðssæti hjá Albacete og er aðeins búinn að gera þrjú mörk í tíu deildarleikjum fyrir félagið á tímabilinu. Albacete er fjórum stigum frá fallsæti sem stendur.
Manaj hefur gert þrjú mörk í ellefu landsleikjum fyrir A-lið Albaníu og var lykilmaður í U21 landsliðinu. Hann er hugsaður fyrir varalið Barcelona til að byrja með.
Athugasemdir