Matheus Nunes leikmaður Wolves fékk að líta rauða spjaldið af bekknum í 4-2 tapi liðsins gegn Leeds um helgina.
Hann fékk spjaldið fyrir ofbeldisfulla hegðun. Hann mótmælti síðasta marki Leeds sem Úlfarnir töldu að hafi verið ólöglegt þar sem brotið hafi verið á Adama Traore.
Wolves áfrýjaði spjaldinu og það gekk upp þar sem enska fótboltasambandið tók það til baka.
„Matheus Nunes verður til taks í næstu þremur leikjum Wolverhampton Wanderers eftir árangursríka kröfu um ranglega brottvísun,“ sagði talsmaður enska sambandsins.
Leeds fór úr fallsæti og upp í 14. sæti með sigrinum. Wolves er í 13. sæti stigi á undan Leeds en búið með leik meira.
Athugasemdir