Ríkisstjórn Íslands hefur boðað til fundar á Egilsstöðum klukkan 16:00 í dag þar sem rætt verður um minnisblað Þórólfs Guðnasonar sóttvarnarlæknis sem vill hertar samkomutakmarkanir hér á landi.
Í kjölfar fundarins má búast við að fréttamönnum verði tilkynnt um til hvaða aðgerða verði gripið.
Ekki er ljóst hvort og þá með hvaða hætti þær ákvarðanir munu hafa áhrif á fótboltann, hvort leyfilegt verði að hafa áhorfendur eða iðka fótboltann á annað borð.
Fótboltamenn bíða milli vonar og ótta og einn af þeim sem óttast það versta er Kristall Máni Ingason leikmaður Víkings í Pepsi Max-deildinni.
Hann gaf það loforð á Twitter í gær að ef sett verður stopp á keppni í deildinni muni hann fara í lögfræði.
Þó það sé besta mál að fólk sæki sér menntun verðum við að vona að aðgerðir ríkisstjórnarinnar verði ekki svo drastískar.
Ef það verður stoppað pepsi max deildina þa fer ég í lögfræðina, meira á leiðinni…
— Kristall Máni Ingason (@KristallMani) July 22, 2021
Athugasemdir