Einn leikur fór fram í 4. deild í kvöld og var sá leikur leikinn á Ásvöllum. KÁ tók á móti Álftanesi í C-riðli.

Fannar Óli kom heimamönnum yfir eftir sextán mínútna leik en Bragi Þór jafnaði fyrri gestina skömmu síðar. Það var ekki jafnt lengi því Ágúst Karel kom heimamönnum aftur yfir á 25. mínútu og staðan var 2-1 fyrir KÁ í hálfleik.

Í seinni hálfleik skoraði Andri Janusson í tvígang, fyrst á 70. mínútu þegar hann jafnaði leikinn fyrir Álftanes og svo aftur á 81. mínútu þegar hann skoraði sigurmarkið. Fannar Óli fékk svo sitt annað gula spjald í uppbótartíma og þar með rautt.

KÁ er áfram í toppsæti riðilsins með 30 stig eftir þrettán leiki. Álftanes er í 2. sæti með 29 stig eftir tólf stig og Ýmir er einnig með 29 stig en hefur leikið þrettán leiki. Alls eru leiknar sextán umferðir í riðlinum.