„Ég er ánægður fyrir hönd strákanna. Þeir spiluðu frábæran leik og góðan fótbolta. Þeir gerðu það í 90 mínútur, ekki bara 45 eins og hefur verið oft hjá okkur í sumar," sagði Rúnar Kristinsson, þjálfari KR, eftir 4-0 sigur á Fylki í Pepsi Max-deildinni.

Lestu um leikinn: KR 4 -  0 Fylkir

KR-ingar léku á als oddi gegn slökum Fylkismönnum og eru núna fimm stigum frá toppnum.

„Það hefur verið oft hjá okkur þannig í sumar, sérstaklega hér á heimavelli, að við höfum verið með 1-0 forystu - jafnvel 2-0 - í hálfleik og gefið svo eftir og farið verja eitthvað. Núna héldum við bara áfram og þorðum að spila fram á við og fara í hraðar sóknir. Svo líka nýtum við bara færin okkar betur."

Var þetta besti leikur KR í sumar?

„Ég held að þetta hafi verið bestu 90 mínúturnar í deildinni, já... Við vorum kannski með aðeins meira léttleikandi lið á vellinum," sagði Rúnar sem hefur trú á því að KR geti blandað sér í titilbaráttuna á síðasta þriðjungi tímabilsins.

„Við erum enn í þessari baráttu en þú mátt ekki misstíga þig aftur. Við erum búnir að misstíga okkur aðeins of oft... við erum pottþétt eitt af fimm bestu liðum deildarinnar. Við höfum skorað minna en við hefðum viljað og erum að fá á okkur mörk sem við höfum ekki undanfarin tvö ár fengið á okkur. Við höfum gefið aðeins eftir á ýmsum sviðum, en við erum stoppa í götin núna og það er farið að ganga aðeins betur. Ef við eigum góðan leik, þá eru fá lið sem eiga séns í okkur. En við getum líka verið ömurlegir og tapað á móti hverjum sem er. Við erum með lið til að taka þátt í þessu."

Allt viðtalið má sjá hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit