„Ég er mjög ánægður núna," sagði Guðjón Pétur Lýðsson við Fótbolta.net eftir 4-1 sigur Vals á Keflavík í dag en með sigrinum tryggði liðið sér Íslandsmeistaratitilinn.
Lestu um leikinn: Valur 4 - 1 Keflavík
„Við vissum að ef við myndum spila á okkar leveli þá myndum við vinna þennan titil. Það var okkar að klúðra þessu."
Guðjón vildi fara frá Val í maí en var á endanum áfram hjá félaginu. Hann verður samningslaus eftir tímabilið og hefur verið orðaður við önnur félög. Var þetta kveðjuleikur hans með Val í dag?
„Ég veit það ekki. Það kemur í ljós. Ég ætla að gera þetta upp við mig eftir helgi. Það er mikið búið að ganga á og ég ætla að skoða þetta."
Hér að ofan má sjá viðtalið í heild sinni.
