Championship: Þriðja sinn á tímabilinu sem Burnley mistekst að skora

Burnley, topplið B-deildarinnar á Englandi, gerði óvænt markalaust jafntefli við Sunderland á Turf Moor í kvöld.

Vincent Kompany og lærisveinar hans í Burnley fengu færin til að skora en þau fóru forgörðum að þessu sinni.

Jóhann Berg Guðmundsson byrjaði á bekknum hjá Burnley en kom inná á 67. mínútu.

Sunderland var eina liðið sem kom boltanum í netið. Það gerðist á 84. mínútu en markið var dæmt af vegna rangstöðu.

Þetta er aðeins í þriðja sinn á tímabilinu þar sem Burnley mistekst að skora í deildinni en þrátt fyrir markalaust jafntefli í kvöld er liðið með 84 stig á toppnum þegar átta leikir eru eftir.