Tottenham hyggst kaupa varnarmann vegna meiðslavandræða Van de Ven

„Ég hef áhyggjur af Tottenham varnarlega. Það vantar upp á breiddina varnarlega og því erfitt að dreifa álaginu," segir Mike Brown, fyrrum njósnari Tottenham.

„Þeir eru með fínt miðvarðapar í Romero og Van de Ven en þar á eftir vantar góða kosti. Ég heyri það að þeir vilji fá inn mann sem geti stigið inn þegar annar þeirra er frá."

Van de Ven hefur verið nokkuð mikið á meiðslalistanum hjá Tottenham og yfirgaf völlinn í tárum vegna meiðsla aftan í læri þegar Tottenham vann Manchester City í deildabikarnum í gær.

Van de Ven missti af tveimur mánuðum á síðasta tímabili vegna meiðsla aftan í læri, á svipuðum tímapunkti á tímabilinu.