Í desember sagði Jóhannes Karl Guðjónsson, í viðtali við 433.is að það væri mjög líklegt að Oliver myndi spila með ÍA.

„Það er mjög líklegt, hann er að koma til baka og byrjar að æfa með okkur eftir áramót. Við ætlum að reyna að hjálpa honum í gang, þetta snýst um það að geta hjálpað honum að komast í stand til að spila fótbolta," sagði Jói Kalli.

Æfingar hjá ÍA hefjast á morgun en Oliver hefur ekki tekið ákvörðun hvar hann spilar.

„Það er ekkert staðfest enn en það er líklegt að ég verði heima á Íslandi á næsta tímabili," sagði Oliver við Fótbolta.net í viðtali í dag.

„Það var ekkert klárt með ÍA og er ekkert klárt. Ég er ennþá að skoða í kringum mig og ég veit ekki ennþá hvar ég enda. En það er alltaf líklegt að maður spili fyrir heimaklúbbinn."

„Ég geri ráð fyrir því að spila á Íslandi, það getur alltaf eitthvað breyst en ég vona að ég fái að koma heim til að spila smá fótbolta," sagði Oliver sem hefur verið fjarri góðu gamni stærstan hluta af síðustu þremur árum.

Viðtalið í heild má sjá hér að neðan.