Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

fös 04. mars 2022 23:50

Sæbjörn Þór Þórbergsson Steinke

Rúnar Gissurar: Tók sjö ár af Counter Strike og var fullur allar helgar

Rúnar Gissurarson

Mynd: Fótbolti.net - Hafliði Breiðfjörð

Ég hef ekki átt tölvu í lengri tíma og er hættur að drekka. Mér líður miklu betur

Mynd: Fótbolti.net - Hafliði Breiðfjörð

Markvörðurinn Rúnar Gissurarson gekk í raðir Keflavíkur í vetur. Hann kom frá Reyni Sandgerði þar sem hann er uppalinn. Í dag ræddi hann við Fótbolta.net.

„Keflavík hafði samband fyrir ári síðan þegar ég fór frá Njarðvík en þá fannst mér ég ekki alveg vera tilbúinn í þetta stökk. Svo höfðu þeir samband aftur núna og ég ákvað að áður en það yrði of seint að taka þetta stökk og prófa þetta," sagði Rúnar. Haraldur Freyr Guðmundsson var þjálfari Rúnars hjá Reyni Sandgerði.

„Mér finnst það í raun vera núna eða aldrei, maður er orðinn helvíti gamall. Ef ekki núna, hvenær þá?"

Rúnar er 36 ára gamall og á sér ansi merkilega sögu. Þegar hann var í 3. flokki hætti hann í fótbolta og var frá íþróttinni í um sjö ár. Það merkilega er að þegar hann hætti var hann ekki markvörður. Hann hafi hins vegar ákveðið að mæta þegar Þrótti Vogum vantaði markvörð árið 2010 og síðan var ekki aftur snúið.

„Ég hætti 16-17 ára sem útileikmaður og fer þá bara á fullu að spila Counter Strike og var bara fullur hverja helgi og eitthvað svona bull. Ég tók sjö ár af því og svo vantaði markvörð í Þrótt Voga. Ég ákvað að prófa af því besti vinur minn var að spila þar og dró mig á æfingu. Það endaði bara þannig að ég festist í markinu og bara ógeðslega gaman."

„Ég veit ekki alveg hvernig svona gerist. Ég var orðinn svolítið þungur á þessum tíma, orðinn 115-120kg og vildi koma mér af stað og reyna létta mig. Ég ætlaði að verða útileikmaður aftur en markið var skemmtilegt og heillaði."

Rúnar á marga leiki að baki í 3. og 4. deild á ferlinum en er nú kominn til félags í efstu deild.

„Þetta er skemmtileg saga. Fyrir tímabilið 2019, þegar Reynir fór upp úr 4. deildinni þá fór ég í áskorun í Sporthúsinu í Keflavík, ríf af mér 25-26 kíló og þá ertu mikli betri markvörður, maður sá bætinguna á mér frá degi til dags. Sjálfstraustið varð betra og allt í raun varð betra. En að vera kominn í lið í efstu deild er lygilegt myndi ég segja."

Lífið sem markvörður, er það skemmtilegra en Counter Strike og fyllerí?

„Já, miklu skemmtilegra. Ég hef ekki átt tölvu í lengri tíma og er hættur að drekka. Mér líður miklu betur."

Rúnar er ekkert að spá í því að hætta á næstunni og segir sig eiga nokkur ár eftir. „Ég á örugglega 3-4 ár eftir en maður veit aldrei," sagði Rúnar.

Viðtalið í heild má sjá í spilaranum að ofan.