John myndi taka stöðu Lukasz Fbianski í hópnum og berjast við Alphonse Areola um markmannsstöðuna.
West Ham United er í leit að nýjum markverði og virðist Brasilíumaðurinn John Victor vera á leið til félagsins úr röðum Botafogo.
Hamrarnir eru í viðræðum við Botafogo um kaupverð en talið er að félögin muni ná samkomulagi um kaupverð á næstu dögum. Það mun nema um 10 milljónum punda.
Victor er 29 ára gamall og var meðal annars orðaður við Manchester United og Everton fyrr í sumar.
Hamrarnir hafa einnig verið að skoða Viktor Johansson markvörð Stoke City. Nokkur félög hafa áhuga á honum og er Stoke tilbúið til að samþykkja tilboð í hann.
Johansson er 26 ára Svíi sem hefur vakið áhuga ýmissa úrvalsdeildarfélaga eftir gott tímabil í Championship deildinni.
Athugasemdir
