Bikarleikur Aston Villa og Liverpool sem átti að vera á morgun, föstudag, er í hættu en í tilkynningu er sagt að fjöldi leikmanna Aston Villa séu komnir í einangrun vegna Covid-19.

Búið er að aflýsa æfingu liðsins sem átti að vera í dag og loka æfingasvæði félagsins.

Í skimunum sem framkvæmdar voru í vikunni greindust margir hjá Villa með veiruna og fleiri bættust við í skimunum sem framkvæmdar voru í morgun.

Mjög ólíklegt er að leikur Villa og Liverpool verði annað kvöld en í yfirlýsingu Aston Villa segir að viðræður séu í gangi milli félagsins, enska knattspyrnusambandsins og ensku úrvalsdeildarinnar.

Fyrr í dag var tilkynnt að leik Sothampton og Shrewsbury hafi verið frestað vegna smita í herbúðum síðarnefnda félagsins.

Aston Villa can confirm that the Club has closed its Bodymoor Heath training ground after a significant Coronavirus outbreak.

— Aston Villa (@AVFCOfficial) January 7, 2021

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit