Jón Sveinsson þjálfari Fram var ánægður með sigur sinna manna gegn Víkingi á Ólafsvík fyrr í kvöld. Fram er með fullt hús stiga eftir fjórar fyrstu umferðir Lengjudeildarinnar.

Fram komst í tveggja marka forystu í fyrri hálfleik en Víkingur minnkaði muninn og komst nokkrum sinnum nálægt því að jafna eftir leikhlé.

„Við vorum mjög góðir í fyrri hálfleik og nýttum okkur veikleika á svæði og mér fannst við svo koma vel inn í seinni hálfleikinn. Þeir voru 2-0 undir á heimavelli og við vissum alveg að þeir hlytu að mæta brjálaðir út í seinni hálfleikinn," sagði Jón að leikslokum.

„Við vildum bæta þriðja markinu við en það tókst ekki og þeir settu mark tiltölulega snemma í seinni hálfleik. Þá þurftum við bara að elta þá og verja þessi stig, sem betur fer tókst það á endanum."

Jón hrósaði Ólafi Íshólm Ólafssyni markverði sínum í hástert að leikslokum þegar fréttamaður talaði um heppni að Víkingur hafi ekki skorað jöfnunarmark í síðari hálfleik.

„Ég veit ekki með heppni, við vorum með tvær, þrjár gæðamarkvörslur. Við erum sem betur fer með góðan markmann og hann tók þessi færi, þannig að á endanum skoruðum við fleiri mörk og fengum þrjú stig.

„Við vitum að það eru mikil gæði í þessu Víkingsliði. Það eru mikil einstaklingsgæði í þessu liði og þú þarft að vera á tánum allan leikinn til að fá eitthvað útúr þessu og við gerðum það."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit