Fótbolti.net

Hákon Arnar: Vona að Messi spili

Gylfi um skilaréttsmálið: Meira en ánægður að hafa skipt

Aron Einar: Get staðfest að ég verð ekki áfram í Al-Gharafa

Sædís Rún: Á okkar degi getum við náð stigum af öllum liðum

Gagnrýnir nýju reglurnar harðlega - „Alveg skelfilegt ef ég á að vera hreinskilin“

Katla Tryggva fyrir Spánarleikinn: Það er alveg hægt að stríða þeim

Hödda langaði að fagna eins og Auðun gegn Haukum - „Allir á bekknum brjálaðir að hann hefði skotið"

Breki Þór: Gott í bankann

Elfar Árni: Það þýðir ekkert að fara að vorkenna sér

Badu: Við sýndum í dag að við erum með góðan hóp

Gunnar Már: Við munum ekki geta hvílt leikmenn

Viðar Örn: Ég hlakka mikið til að spila með honum í næstu leikjum

Óli Flóvents: Þetta mál er að baki

Venni: Þurfum að höndla það betur en síðast

Heimir Guðjóns: Þurfum að finna lausnir

Siggi Lár: Gaman að vera í Laugardalnum

Horfðu á Besta spjallið - Staða mála skoðuð í landsleikjahlénu

Pablo Punyed sáttur: Vona að ég sjálfur geti spilað minna og minna í sumar

Gaui Lýðs um uppganginn á Ásvöllum: Setjum stefnuna á að komast í efstu deild

Nemanja Pjevic: Þegar maður bíður eftir strætó koma þeir allt í einu þrír í einu

þri 11. júní 2019 22:04

Egill Sigfússon

Emil Hallfreðs: Burstinn frábær markaðssetning

Emil gefur ekki tommu eftir hér

Mynd: Fótbolti.net - Hafliði Breiðfjörð

Ísland vann Tyrkland 2-1 í undankeppni EM 2020 á Laugardalsvelli í kvöld og eru með 9 stig eftir fyrstu 4 leikina í undankeppninni. Emil Hallfreðsson spilaði allan leikinn eftir að hafa ekki spilað með landsliðinu á EM og sagðist líða vel enda búinn að æfa á fullu í þrjá mánuði.

Lestu um leikinn: Ísland 2 - 1 Tyrkland

„Mér leið bara vel, ég er búinn að æfa á fullum krafti síðustu þrjá mánuði og náði 90 mínútum þarna um daginn. Ég er búinn að æfa vel og var alltaf með þessa tvo leiki í huganum og ætlaði mér að gefa allt í þetta ef ég myndi fá að spila í þeim."

Emil fannst liðið spila vel í dag og brást vel við að fá á sig klaufalegt mark í stöðunni 2-0.

„Mér fannst fyrri hálfleikur alveg frábær en algjör skita að fá á sig þetta mark úr föstu leikatriði. Í seinni hálfleik gerist það svo sjálfkrafa að við bökkuð aðeins og beitum skyndisóknum. Heilt yfir fannst mér þetta mjög vel spilaður leikur hjá okkur og frábær sigur."

Emil fékk óverðskuldað spjald snemma í leiknum og var ekki sáttur með það enda óþolandi að þurfa að vera á varðbergi allan leikinn með gult spjald á bakinu.

„Það er alveg óþolandi, það er óþolandi að vera á gulu spjaldi í 75 mínútur, ég fór beint í boltann og þetta var fyrsta brot en ég þurfti bara að passa mig það sem eftir var af leiknum. Ég fór í eina tæklingu en kommon það væri alveg glórulaust að gefa mér tvö gul eftir tvö brot."

Stóra burstamálið var góð markaðssetning fyrir leikinn sagði Emil og þakkaði íslenskum stuðningsmönnum fyrir frábæra stemningu.

„Það var góð markaðssetning með þennan bursta þarna í vikunni, það vakti athygli á þessum leik sem er bara frábært. Við þurftum á því að halda og alveg frábært að fá fulla stúku sem styður við bakið á okkur allan tímann."