Fótbolti.net

Adam Páls: Nú er farið að taka okkur alvarlega

Hemmi Hreiðars: Það var bara samningsatriði

Siggi Höskulds: Skoruðum löglegt mark

Óskar Hrafn: Meiri taugaspenna að hafa KR áhorfendur bak við sig

Jökull: Það er enginn ánægður í okkar klefa með frammistöðuna

Ólafur Ingi: Einhver narratíva þarna úti sem við erum ekki sammála

Danni Hafsteins: Ég vil spila alla leiki

Lárus Orri: Okkur vantar drápseðli

Sölvi Geir: Hann er búinn að sokka alla sem voru að gagnrýna hann

Amin Cosic hissa: Klobbaði einn og svo annan, bjóst svo við seinna gula þegar ég var rifinn niður

Jói Kalli ósáttur: Engin regla um hvað boltinn þarf að vera lengi í leik eftir að hagnaði er beitt

Þorri Stefán: Ég hef verið kallaður Joe Gomez Fram-liðsins

Rúnar Kristins: Við höfum fengið fyrirspurnir um Magnús

Davíð Helgi: Búinn að halda þessu fagni leyndu

Haraldur Freyr: Of langur tími til þess að 'suffera'

Enginn feluleikur hjá Hadda - „Ef þú ert ekki tilbúinn að leggja þig fram þá spilarðu ekki í KA“

Guðni Eiríks: Það er ekki tilfinningin sem ég fæ

Rúnar Páll: Við erum helvítis klaufar

Fyrsti leikurinn með Þór/KA síðan 2021 - „Þokkalega sanngjarnt"

Gunnar Heiðar: Við erum allir í 'revenge mode'

fös 12. júlí 2019 15:15

Arnar Daði Arnarsson

Bestur í 1-11: Þurfum að vera auðmjúkir í seinni umferðinni

Pétur Theodór Árnason.

Mynd: Fótbolti.net - Arnar Daði Arnarsson

Mynd: Fótbolti.net - Eyjólfur Garðarsson

Í Innkasso-horninu sem kom út fyrr í dag var opinberað val á úrvalsliði umferða 1-11, besti leikmaðurinn valinn og besti þjálfarinn.

Pétur Theodór Árnason, sóknarmaður Gróttu, var valinn besti leikmaður umferða 1-11. Nýliðar Gróttu sitja í 2. sæti deildarinnar tveimur stigum á eftir toppliði Fjölnis. Óskar Hrafn Þorvaldsson þjálfari Gróttu var valinn besti þjálfari fyrri hlutans.

Smelltu hér til að hlusta á Innkasso-hornið.

„Þetta kemur mér á óvart," sagði Pétur Theodór í viðtali við Fótbolta.net í dag. Hann hefur farið á kostum framlínu Gróttu í sumar og skorað tíu mörk í fyrstu ellefu leikjum Inkasso-deildarinnar.

„Ég bjóst alls ekki við þessu og þetta hefur verið mjög gaman og þetta hefur gengið vel. Við spilum mikinn sóknarbolta sem leiðir að sér mörg færi sem ég þarf að vera tilbúinn að nýta og ég hef gert það ágætlega hingað til," sagði Pétur sem hefur fengið töluvert af færum í sumar.

„Ég hef klúðrað nokkrum dauðafærum í sumar. Sérstaklega á móti Fylki í bikarnum og eitt gegn Aftureldingu. Maður verður bara að vera klár í næsta færi."

Eins og fyrr segir sigur Grótta í 2. sæti deildarinnar þegar deildin er hálfnuð með 21 stig, tveimur stigum á eftir toppliði Fjölnis.

„Við áttum ekki von á því að vera í 2. sæti eftir fyrri umferðina en við erum með frábæran og samstilltan leikmannahóp og við getum alveg mátað okkur við öll þessi lið. Inkasso-deildin er sterk en einnig mjög jöfn. Mér finnst enginn leikur vera gefins og maður verður að vera 100% klár í alla leiki."

„Við þurfum að vera auðmjúkir í seinni umferðinni og taka einn leik fyrir í einu og sjá hvað það gefur okkur í lok tímabils," sagði besti leikmaður 1-11 umferða Inkasso-deildarinnar í viðtali við Fótbolta.net.

Viðtalið í heild sinni má sjá hér að ofan.