Hjörtur Hermanns bjargaði sér frá falli í dag
Árbæingurinn Hjörtur Hermannsson hjálpaði liði sínu, Volos, að bjarga sér frá falli úr grísku úrvalsdeildinni með því að skora í 3-0 sigri liðsins á Lamia í dag.
Tímabilið hjá Volos hefur verið langt og strangt en frábær úrslit í síðustu leikjum þýða það að liðið hefur nú bjargað sér.
Hjörtur hefur verið fastamaður í vörn Volos og í dag skoraði hann annað deildarmark sitt með skalla eftir hornspyrnu.
Sigur Volos kom liðinu í 39 stig, níu stigum fyrir ofan fallsæti þegar tvær umferðir eru eftir.
Ágúst Eðvald Hlynsson byrjaði í 1-1 jafntefli AB gegn Næstved í meistarariðli dönsku C-deildarinnar. Ægir Jarl Jónasson kom inn af bekknum í síðari hálfleik. Jóhannes Karl Guðjónsson er þjálfari liðsins.
AB er í 4. sæti meistarariðilsins með 36 stig þegar fimm umferðir eru eftir.
Athugasemdir
