Brynjar Kristmundsson þjálfari Víkings Ó.
„Í raun bara léleg byrjun. Við fáum á okkur mark eftir tvær mínútur og svo annað eftir tíu og í stöðunni 4-2 þá er þetta bara orðið erfitt.“ Sagði Brynjar Kristmundsson þjálfari Víkinga eftir 5-2 tap hans mann gegn Keflvík fyrr í kvöld um það hvað gerði útslagið í leiknum eftir að liðin höfðu gengið jöfn 2-2 til búningsherbergja í hálfleik. Brynjar var þó mjög ánægður með fyrri hálfleik sinna manna.
Lestu um leikinn: Keflavík 5 - 2 Víkingur Ó.
„Mér fannst við vera með yfirhöndina í fyrri hálfleik og ég lét þá vita í hálfleik að það væru tækifæri fyrir okkur að vinna þennan leik. En Keflavík bara setti í næsta gír og keyrði aðeins á okkur og verðskulduðu sigurinn. “
Framan af leik gekk leikplan Víkinga vel upp, Voru þeir þéttir til baka og nýttu hröð upphlaup vel.
„Við ætluðum að finna réttu augnablikin til þess að stíga upp á þá. Keflavík er bara mjög gott lið, eitt besta liðið í Lengjudeildinni og við þurftum að bera ákveðna virðingu fyrir því. Ákváðum að falla aðeins neðar. Eitthvað sem við erum kannski ekki vanir að gera en mér fannst það ganga vel.“
Nú þegar Mjólkurbikardraumur Víkinga er úti bíður þeirra hörð barátta í 2. deildinni. Markmið Brynjars og liðsins eru skýr.
„Við ætlum alla leið. Maður vill alltaf gera betur en árið áður og við vorum stigi frá þessu í fyrra. Við teljum okkur vera með gott lið,“
Sagði Brynjar en allt viðtalið við hann má sjá í spilaranum hér að ofan,
Athugasemdir
