Sjö stig skildu Barcelona og Real Madrid að fyrir leik Madrídinga gegn Mallorca.

Madrídingar vissu að jafntefli myndi ekki duga ekki til þess að fresta titilfögnuði Barcelona þar sem innbyrðis viðureignir gilda í titilbaráttunni.

Barcelona vann báða deildarleikina gegn Real Madrid og var möguleiki hjá Börsungum að fagna titlinum heima á sófanum.

Mallorca-liðið komst í 1-0 á 11. mínútu leiksins en Madrídingar jöfnuðu ekki fyrr en á 68. mínútu eftir frábært einstaklingsframtak Kylian Mbappe.

Real Madrid átti urmul af skotum í leiknum, nánar tiltekið 39 skot en aðeins þrettán á markið og það var einmitt þrettánda tilraunin sem færði Real Madrid sigurinn er Ramon, sem var að spila sinn fjórða leik fyrir aðalliðið, mætti inn á teiginn eftir skalla Jesus Vallejo og setti boltann yfir markvörðinn og í netið.

Ramon fagnaði af mikilli innlifun og minnkaði forskotið niður í fjögur stig. Barcelona getur hins vegar tryggt sér titilinn annað kvöld þegar liðið heimsækir nágrannana í Espanyol.

Valencia tapaði stigum í Evrópubaráttunni - Villarreal með annan fótinn í Meistaradeildina

Valencia, sem var í fallbaráttu stærstan hluta tímabilsins, hefur gert ótrúlega hluti í síðari hlutanum og er í Evrópubaráttu, en það kom högg í þá baráttu er liðið tapaði fyrir Deportivo Alaves, 1-0, á útivelli í dag.

Tapið þýðir að Valencia er í 11. sæti með 45 stig, þremur stigum frá Evrópusæti þegar tvær umferðir eru eftir. Villarreal er á meðan með annan fótinn í Meistaradeildina eftir 3-0 sigur liðsins á Leganes.

Ayoze Perez skoraði tvö og Nicolas Pepe eitt en Villarreal er í 5. sæti með 64 stig, sex stigum á undan Real Betis og hársbreidd frá því að koamst í deild þeirra bestu.

Alaves 1 - 0 Valencia
1-0 Joan Jordan ('79 , víti)

Real Madrid 2 - 1 Mallorca
0-1 Martin Valjent ('11 )
1-1 Kylian Mbappe ('68 )
2-1 Jacobo Ramon ('90 )

Villarreal 3 - 0 Leganes
1-0 Ayoze Perez ('23 )
2-0 Ayoze Perez ('31 )
3-0 Nicolas Pepe ('45 )