FH tóku á móti eyjamönnum í ÍBV í dag á Kaplakrikavelli þegar flautað var til leiks í 6.umferð Bestu deildar karla.
Bæði lið höfðu farið heldur hægt af stað og því til mikils að vinna í þessum leik. Eftir erfiða byrjun í leiknum tóku FH forystuna og létu hana ekki af hendi.
Lestu um leikinn: FH 2 - 0 ÍBV
„Bara geggjað að ná í þessi þrjú stig, okkur hefur vantað stigin í byrjun móts og geggjað að geta rifið sig aðeins upp töfluna og komist á smá ról." Sagði Davíð Snær Jóhannsson leikmaður FH eftir leikinn í dag.
„Þetta var ekki að opnast fyrir okkur þarna í byrjun en við vorum þolinmóðir og það var kannski ekkert mikið að gerast í leiknum en við vorum bara að reyna að finna okkar tempó og þegar markið kom fannst mér við fara svolítið á flug og þeir ekki eiga breik í okkur eftir það."
Davíð Snær hefur enn ekki tapað leik í byrjunarliði FH og er spenntur fyrir komandi tímum.
„Mér líður mjög vel hérna og hlakka til komandi tíma. Mér finnst ég vera byrja vel og er í góðu standi og tilbúin fyrir sumarið."
Nánar er rætt við Davíð Snær Jóhannsson í spilaranum hér fyrir ofan.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |