Sigdís Eva í leiknum í kvöld.
„Tilfinningin er æðisleg," sagði Sigdís Eva Bárðardóttir, leikmaður Víkings, eftir sigur í spennandi vítaspyrnukeppni gegn Val á Hlíðarenda í Meistarakeppni KSÍ í kvöld.
Lestu um leikinn: Valur 5 - 6 Víkingur R.
„Við unnum hart að þessu, vissum að við gætum þetta og sýndum það í leiknum.''
„Það er alltaf smá stress, en við gerðum eitthvað inn í klefa fyrir og stressið minnkaði.''
Sigdís skoraði eina mark Víkings í venjulegum leiktíma, en klúðraði svo víti sínu í vítaspyrnukeppninni. Hún var sátt með frammistöðu sína í leiknum.
„Já, ég myndi segja það. Fyrir utan vítið í lokin. Það sakaði ekki.''
Víkingur koma inn sem nýliðar í Bestu deild kvenna í ár sem hefst núna um helgina.
„Við ætlum í fyrsta lagi að halda okkur uppi. Ég myndi segja að stefnan sé svo að vera í efri hluta eftir skiptingu."
Hægt er að sjá allt viðtalið í spilaranum hér að ofan.
