Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
Guðni Eiríks svekktur: Dómarinn hafði ekki þor til að flauta
Óli Kristjáns: Torsótt en sanngjarnt
Eiður Aron um gengi Vestra: Höfum verið eins og hjartalínurit
Nik Chamberlain: Fyrir utan eitthvað korter í seinni hálfleiknum þá stóðum við okkur vel
Arnar Freyr sleit líklegast hásin - „Ég plataði Beiti til að skipta í vor”
„Ég er sáttur við frammistöðuna en það þarf að skora“
Davíð Smári: Ég er hávær og ástríðufullur fyrir mínu starfi
Þór/KA þarf að fara í alvöru naflaskoðun - „Ekki mjög bjartsýnn á eitt né neitt akkúrat núna"
John Andrews um Bergþóru: Í skýjunum með að hún hafi valið okkur
Höskuldur: Bara að sparka eins fast og maður gat og það endaði vel
Dóri Árna: Við vorum betra liðið í 173 mínútur af þessu einvígi
Haraldur Freyr: Hann bað liðsfélaga sína afsökunar
Aron Snær: Að einhver blaðra sé sprungin er mjög þreytt
Óli Hrannar: Þurfum að byrja leikina betur ef við ætlum að komast eitthvað hærra í þessari töflu
Gunnar Heiðar: Það er skemmtilegra að fá græna punktinn
Árni Guðna: Þurfum að læra af því
Anton Ari: Hellidemban fyrir leik var náttúrulega bara snilld
Úlfur: Hann er það markagráðugur að hann er ekki að reyna fiska neitt
Rangur maður rekinn af velli: Dómararnir gátu ekki gefið nein skýr svör
Brynjar Kristmunds: Koðnuðum niður gegn ástríðufullu liði
   þri 18. júní 2024 22:10
Haraldur Örn Haraldsson
Ómar Ingi: Við þurftum að fara út og gera bara eitthvað
Mynd: Fótbolti.net - Hafliði Breiðfjörð

Ómar Ingi Guðmundsson var ánægður með úrslit kvöldsins eftir að liðið hans sigraði Fram á Lambhagavellinum.


Lestu um leikinn: Fram 1 -  2 HK

„Ég er bara gífurlega sáttur með niðurstöðuna, og ótrúlega sáttur með viðbrögð leikmanna í seinni hálfleiknum. Allt kredit á þá, hvernig þeir komu út í seinni hálfleikinn, við höfðum engu að tapa, allt að vinna. Þeir ná að brjótast út úr skelinni og koma framar á völlinn. Kredit á þá fyrir seinni hálfleikinn, eins slakur og sá fyrri var."

Fyrri hálfleikurinn var algjörlega eign Framara en HK-ingar komu sterkir út í seinni hálfleikinn. Skilaboðin í hálfleik hafa þá verið mikilvæg.

„Það var bara það, að við þurftum bara fara út og gera bara eitthvað. Við þurftum að hugsa minna, gera meira og keyra meira á þá, þora að stíga upp og stíga út. Ég bað þá bara vinsamlegast um að finna það innra með sér að koma með það inn í seinni hálfleikinn, og þeir gerðu það svo sannarlega. Eins og ég segi hrós á þá."

Það var mikil harka í leiknum og alls var lyft 7 spjöldum. Það hefði getað verið eitthvað um rauð spjöld en Helgi Mikael dómari leiksins lét þau gulu nægja.

„Ég get alveg skilið það að Kristján Snær hafi mögulega verið heppinn þarna. Það aru auðvitað 40-50 metrar í þetta (frá hans sjónarhorni) en ég held hann hafi alveg sloppið með skrekkinn þar. Það var samt líka í hina áttina. Það var ekkert að ástæðulausu að Brynjar Gauti er tekinn útaf þarna á gulu spjaldi, nýbúinn að brjóta af sér. Þannig þetta var ekkert endilega ósanngjarnt, en vissulega mikið flautað og dálítið mikið brotið."

HK eru með 10 stig í 9. sæti deildarinnar þegar 10 leikir eru búnir. Þeim var spáð neðsta sæti af lang flestum fjölmiðlum, því hlýtur þetta að teljast ágætis stigasöfnun.

„Auðvitað ætla ég ekkert að vera vanþakklátur fyrir þau stig sem við erum komnir með. En við höfum ekki unnið leiki þar sem mér hefur fundist að við hefðum getað farið með sigur á tímabilinu hingað til. Á endanum þurfum við bara að vera þakklátir fyrir þau stig sem við erum komnir með, við höfum unnið okkur inn þau stig sem við höfum fengið, eins og hérna í dag. Andinn í liðinu í seinni hálfleik verðskuldaði ekkert minna fannst mér og hvernig við vörðumst hérna í lokin þegar þeir dældu á okkur. Þeir fengu horn eftir horn og voru að dæla boltanum inn í boxið þar sem þeir eru sterkir. Þá fannst mér drengirnir ekki eiga neitt annað skilið en fagnaðarlætin sem eru inn í klefa í augnablikinu."


Athugasemdir
banner
banner
banner