Kómoreyjar án markvarða fyrir stærsta leikinn í sögu landsliðsins

Kómoreyjar eru að taka þátt í lokamóti Afríkukeppninnar í fyrsta sinn í sögunni.

Liðið hefur náð ótrúlegum úrslitum og unnu meðal annars Gana í lokaleiknum í riðlakeppninni, 3-2.

Kómoreyjar höfnuðu í 3. sæti og var eitt af fjórum liðum sem voru með besta árangurinn í því sæti og komust því í 16-liða úrslitin en nú er útlitið svart.

Tólf smit greindust í hópnum í dag og voru tveir markverðir liðsins þar á meðal. Liðin eru öll með þrjá markverði en þriðji markvörður þeirra er meiddur og er því liðið ekki með markvörð fyrir leikinn.

Þá er þjálfari liðsins einnig smitaður. Það er reynt að finna lausn í þessu máli en fótboltasamband Afríku sagði fyrir mót að lið þyrftu að spila leikina, þó það vantaði alla markverði.

Reglan er þannig að ef liðið nær ekki að tefla fram ellefu leikmönnum á mánudaginn að þá færi málið fyrir framkvæmdanefnd keppninnar.