„Þeir lögðu dauða og djöful í þetta. Það sýnir bara karakterinn í þessu liði," sagði Brynjar Gestsson, þjálfari Þróttar Vogum eftir 1-1 jafntefli á Auto Park.
Lestu um leikinn: KV 1 - 1 Þróttur V.
„Við vorum bara ekki nógu grimmir að refsa þeim. Við verðum að huga að því hvernig við erum betri í skyndisóknum sem við erum að fá. Það verður bara betra og betra. Við gerðum breytingu í hálfleik, skánaði aðeins, en ekki nægilega mikið. Ég er ennþá að reyna finna besta liðið."
"Framherjarnir voru mjög langt frá hvorum öðrum. Við lögðum þetta upp með að þeir væru nálægt hvorum öðrum. Þeir voru allt of langt frá hvorum öðrum. Þeir hlupu óþarflega mikið í varnarvinnunni. Þannig að þeir voru rosalega þreyttir þegar við unnum boltann. Það var ekki lagt upp með það, þeir áttu að vera verskir. Mögulega hefði ég getað farið í það að vera með framherjana víða alveg sitthvoru megin. Það hefðu hugsanlega verið betri ákvörðun," sagði Brynjar.
Viðtalið í heild má sjá í spilaranum að ofan.
