Fótbolti.net

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

mið 23. október 2024 15:35

Guðmundur Aðalsteinn Ásgeirsson
Viðtal

Skoðaði sig um og valdi KR - „Þegar hann reynir að fá þig, þá segirðu já"

Róbert Elís Hlynsson.

Mynd: Fótbolti.net - Hafliði Breiðfjörð

Róbert Elís og Óskar Hrafn.

Mynd: KR

„Tilfinningin er mjög góð. Það er mikill heiður að skrifa undir hjá svona stórveldi," sagði Róbert Elís Hlynsson í samtali við Fótbolta.net í dag.

Róbert Elís, sem er fæddur 2007, skrifaði undir þriggja ára samning við Vesturbæjarstórveldið í gær. Róbert, sem kemur til KR frá ÍR, á þrettán leiki að baki fyrir yngri landslið Íslands.

Það var mikill áhugi á Róberti og voru mörg félög í Bestu deildinni sem heyrðu í honum, enda átti hann frábært sumar með ÍR sem gerði heiðarlega tilraun til að komast upp úr Lengjudeildinni. Hann æfði meðal annars með FH en valdi á endanum að semja við KR.

„Ég var að skoða mig um. Svo æfði ég með KR og leist mjög vel það. Þá tók ég bara ákvörðun um að skrifa undir þar. Það er ný uppbygging í gangi þarna og Óskar (Hrafn Þorvaldsson) er nýtekinn við sem þjálfari. Hann er með þeim betri á landinu. Þegar hann reynir að fá þig, þá segirðu já," segir Róbert.

„Ég er mjög spenntur fyrir komandi tímabili."

„Það voru mörg lið sem höfðu áhuga á manni, mjög flott félög. Það var erfitt að velja á milli en niðurstaðan var að fara í KR. Maður þarf að halda sér á jörðinni, þetta er bara fótbolti."

Hef verið þarna síðan ég var þriggja ára
Róbert er uppalinn hjá ÍR og var mikilvægur hlekkur í liði Breiðhyltinga í sumar, þar sem hann lék 22 leiki í Lengjudeildinni og tvo í Mjólkurbikarnum. Hann kemur úr mikilli ÍR-fjölskyldu þar sem eldri bróðir hans Óliver Elís leikur fyrir ÍR og þá er faðir þeirra í aðalstjórn félagsins, móðirin í miðasölunni og yngri systirin er boltasækir.

„Það var gaman að fá að spila með uppeldisfélaginu í Lengjudeildinni. Það er langt síðan við vorum þar. Við komumst í umspilið og það var ótrúlegt," segir Róbert.

Er erfitt að kveðja ÍR?

„Já, mjög. Það er mjög erfitt. Ég hef verið þarna síðan ég var þriggja ára en það var kominn tími til að breyta til."

Allt viðtalið er í spilaranum hér að ofan þar sem Róbert ræðir frekar um komandi tíma með KR.