„Þetta er geggjað. Þetta er það sem við lögðum upp með. Við ætluðum að vinna þennan leik og við kláruðum það,“ sagði markvörður FH, Aníta Dögg Guðmundsdóttir, eftir 2-1 sigur á grönnum sínum í Haukum. Sigurinn skýtur FH-ingum upp í 2. sæti Inkasso-deildarinnar.

Lestu um leikinn: Haukar 1 -  2 FH

„Við ætluðum að hápressa og reyna að hræða þær strax, reyna að setja mark strax. Það kom ekki alveg strax en svo kom geggjað mark,“ svaraði Aníta aðspurð um uppleggið fyrir leik.

FH-ingum tókst vissulega að pressa stíft í byrjun en svo tók við kafli þar sem Haukar fengu þrjú dauðafæri. Meðal annars vítaspyrnu sem Anítu tókst að verja. Hvað fór í gegnum kollinn á henni þá?

„Ég varð að verja þetta! 0-0 staða og við megum ekki fá mark á okkur núna,“ sagði Aníta og viðurkenndi að hún hefði giskað á horn til að skutla sér í.

„Ég giskaði á horn. Hún var búin að horfa þangað,“ sagði Aníta, ánægð eftir sigurleikinn.

Nánar er rætt við markmanninn efnilega í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit