Fótbolti.net

Freyja Karín: Ein besta tilfinning sem ég hef fundið fyrir á ævi minni

„Líklega besta lið sem ég hef nokkurn tímann verið með"

Pétur ósáttur við reglur KSÍ: Eini möguleikinn að fara niður í 4. flokk

Jóhann Kristinn: Við skoruðum ekki og þá áttu ekki skilið að fara áfram

Guðrún Jóna: Búin að vera vinna vel í þessum hlutum

„Ef við gerum það þá snýst lukkan með okkur í hag“

Helgi Sig: Liðið er að vinna sem ein heild og það veitir á gott

Óskar Örn: Erfitt að vera með einhvern sambabolta

Óskar Smári: Vont að fá á okkur mark eftir 18 sekúndur

Ásta Eir sátt: Held að ég skori á svona þriggja ára fresti

Gary mjög stoltur: Krakkarnir urðu að mönnum í dag

Daniel Jóhannesson: Nordsjælland best í heimi í að framleiða unga leikmenn

Nenad eftir tap í grannaslagnum: Það var bara tímaspursmál

Jón Þór hæstánægður eftir kærkominn sigur: Risastór áfangi

„Búnir að taka út bann og þá er málið dautt"

Fúsi hálf orðlaus með úrslitin - „Vítateigarnir drápu okkur"

Úlli: Strákarnir eiga þennan sigur skuldlaust sjálfir

Láki eftir skell gegn Fjölni: Stundum ágætt að fá almennilega á baukinn

Arnar Þór: Við ætluðum svo sannarlega að vinna í dag

Magnús Már: Þetta voru erfiðustu aðstæður sem ég hef séð í fótboltaleik

lau 01. apríl 2023 20:00

@gummi_aa

Guðmundur Aðalsteinn Ásgeirsson
Samsungvellinum

Frábær verðlaun fyrir stórgóða frammistöðu - „Það er alltaf heiður"

Sandra María Jessen.

Mynd: Fótbolti.net - Hafliði Breiðfjörð

Á EM 2017.

Mynd: Fótbolti.net - Hafliði Breiðfjörð

Sandra María Jessen hefur verið í fantaformi á undirbúningstímabilinu. Hún var auðvitað á skotskónum í dag þegar Þór/KA tapaði í vítaspyrnukeppni gegn Stjörnunni í úrslitaleik Lengjubikarsins.

Lestu um leikinn: Stjarnan 7 - 6 Þór/KA

„Ég er fyrst og fremst stolt af okkar framlagi í þessu móti og ég held að við höfum náð að koma mörgum á óvart. Það er klárlega margt jákvætt sem við getum tekið úr þessu," sagði Sandra María við Fótbolta.net eftir leikinn.

„Við gáfum okkar besta. Við vitum að það eru mikil gæði í Stjörnuliðinu. Við komum í þennan leik til að vinna. Það tókst ekki í dag, en við gerðum samt vel og erum alveg sáttar með það sem við gerðum."

Sandra skoraði alls tólf mörk í sjö leikjum í Lengjubikarnum og var hún á dögunum verðlaunuð fyrir frammistöðu sína með sæti í A-landsliðinu. Hún var valin í hópinn í fyrsta sinn í tæplega tvö og hálft ár. Hún er að snúa til baka í landsliðið eftir að hafa eignast barn árið 2021. Hún sneri til baka á völlinn á síðasta tímabili og skoraði þá átta mörk í Bestu deildinni.

„Það er alltaf heiður að vera valin í landsliðshóp og merki um að maður sé að gera eitthvað rétt. Núna er undir mér komið að nýta tækifærið og sanna það að ég eigi að vera í þessum hóp. Ég tek sætinu og reyni að hafa gaman að því, gera mitt besta."

„Ég er mjög spennt. Ég hef áður tekið pásur frá landsliðinu þegar ég hef slitið krossband. Þetta er lengsta pásan og það verður rosalega gaman að hitta stelpurnar aftur. Það er mikið af nýjum andlitum í hópnum en samt sem áður þekkir maður margar. Ég held að þetta verði rosalega skemmtilegt; það er mikið efni í þessum hóp og stór verkefni framundan."

„Mér finnst ég vera að ná ákveðnum toppi í líkamlegri getu. Skilningurinn er orðinn meiri. Ég náði að grípa mikla reynslu út í Þýskalandi og mér finnst ég ná að nýta það í deildinni hérna. Þó ég sé 28 ára er enn nóg eftir."

Hún heldur því opnu að fara aftur erlendis. „Ég ætla að einbeita mér að tímabilinu og svo skoða ég það þegar líða fer á tímabilið hvað er í boði. Það er eitt að spila þegar maður er einstæð og annað þegar maður er komin með fjölskyldu."

Hægt er að skoða viðtalið í heild sinni hér fyrir ofan en þar ræðir Sandra um það af hverju hún er búin að skora svona mikið.

Athugasemdir

Nýjustu fréttirnar